An den MGO Gala-Abenden vom 4. und 5. April 2014 führte die Slam-Poetin und Wort-Akrobarettistin Patti Basler mit Wortwitz und Gedichten durch das Programm. Zum Abschluss Ihrer Moderation hat sie – als Hommage an unseren Vereinspräsidenten Thomas Müller – an beiden Abenden ein Gedicht vorgetragen. Patti hat freundlicherweise die Erlaubnis erteilt, dieses Gedicht auf unserer HomePage zu veröffentlichen:
I jedem Verein
Gitt’s Lüt, wo nur ächli höckle und stuune
Oder dumm böckle und ume-posuune
S’ gitt lahmi Änte und Düümlitrüller
Und denn gitt’s de Präsidänt
Thomas Müller
S’gitt settig, die chöme nur wäg de Fraue
S’gitt settig, wo lutstarch uf d’Pauke haue
S’ gitt die, wo nur do sind als Reihe-Füller
Und denn gitt’s de eimalig
Thomas Müller
Er schaffet und chrampfet und chrank isch er sälte
Är versetzt Bärge, erschafft Musig-Wälte
Er engagiert Wält-Stars, triibt Gäld uf, verhandlet
Wäg ihm simmer hütt z’Nacht wie verwandlet
Doch sini Nächt …
Ich glaub, sini Frau, die darbet
Will z’Nacht gitts für ihn nume Arbet und Arbet
Und Arbet und Arbet für die Musikante
Trompeter-Peter und Querflöte-Tante
Und Organisiere und Telefoniere
Und Organisiere und nüt delegiere
Will di andere jo au müend pressiere
Stück i-studiere und dirigiere
Will du, Thomas, die andere ebe schonisch
Bisch ned nur euphorisch, nei, bisch euphonisch
Tönt’s au dissonant und ganz kakophonisch
S’ Schnurret all durenand, scho fascht babylohnisch
Während du verkablisch und vertonsich
Ohni Lohn, ohni Boni bliibsch immer harmonisch
Will für dich d’Musig de eigentlich Lohn isch
Fascht göttlich, wie ein, wo fescht ufem Thron isch
Will er Musig- Geischt, und Vater und Sohn isch
Und im Name vo de MGO, säg ich danke für alles
Und ich glaub, ich dörf säge, im Falle des Falles
Thomas, do mass ich mer nüt a: Thomas Müller
Als MGO-Präsi
Bisch du eifach
De Knüller
Patti Basler – 4./5. April 2014